Mund të shihet progres i caktuar në transparencën e Këshillit Gjyqësor, por sipas hulumtimeve tona, akoma është i pamjaftueshëm, siç e kërkojnë këtë dokumentet ndërkombëtare, deklaroi Margarita Caca Nikllovska, kryetare e Institutit për të Drejta të Njeriut.
Raporti monitorues për transparencën, llogaridhënien dhe efektivitetin e Këshillit Gjyqësor të Republikës së Maqedonisë për periudhën gusht – nëntor 2017 tregon se janë mbajtur 11 seanca, prej të cilave gjashtë të hapura dhe pesë të mbyllura për opinionin, ndërsa vendimet për zgjedhjen e gjykatësve dhe kryetarëve nuk janë të disponueshme lehtë, ndërsa procesverbalet prej seancave nuk publikohen.
Theksoi se ka shkarkim të rritur të gjykatësve të cilët të pakënaqur prej procedurës drejtohen në Strasburg.
“Atë që Strasburgu e gjeti midis tjerash është edhe për shkak të mungesës së llogaridhënies dhe transparencës. Çështja tjetër është pavarësia. Nuk mundet të ekzistojë gjyqësi e pavarur nëse në pjesën e zgjedhjes dhe shkarkimit nuk ka transparencë dhe llogaridhënie të organeve dhe nuk ka kurrfarë përgjegjësie në këtë pjesë”, tha Caca Nikollovska.
Theksoi se këto probleme mund të tejkalohen nëse vihen obligime ligjore më të fuqishme në këtë drejtim dhe sjellja e organeve të jetë nën monitorim.
Burimi: MIA
Përmbajtjet të cilat Civili i merr nga burime të tjera nuk nënshtrohen në licencën Creative Commons 1.0, përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
