Komisioni Shtetëror Zgjedhor ka përgatitur udhëzim për votimin e personave të verbër dhe personave me të shikim të dëmtuar. Udhëzimi me pesë nene përfshin drejtime për sjellje në Komisionet Komunale Zgjedhore dhe bordet zgjedhore ndaj personave të verbër dhe atyre me shikim të dëmtuar dhe informimin e tyre për mundësinë të përdorin shabllon me alfabetin Braille, që do tu ndihmojë të votojnë të pavarur.
Ky udhëzim, përveç se dorëzohet në KSHZ dhe Bordet Zgjedhore, mund të gjendet edhe në ueb faqen e KSHZ, mirëpo vetëm në formë të shtypur, me çfarë, megjithatë, ky udhëzues mbetet i pakapshëm për qytetarët për të cilët është dedikuar.
Rekomandimet për votim të pavarur të personave të verbër dhe personave me shikim të dëmtuar vijnë nga Shoqata për promovimin dhe zhvillimin e shoqërisë inkluzive “Inkluziva”.
Një nga qëllimet e shoqatës është informimi i personave me shikim të dëmtuar për shfrytëzimin e shabllonit për votim në alfabetin Braille, si dhe informimi i votuesve me pengesa për të drejtat e tyre për pjesëmarrje aktive politik. Kjo nevojë del nga pamundësia e personave të verbër të informohen nga udhëzuesi në këtë formë.
“KSHZ” botoi udhëzues për votimin e personave të verbër. Për herë të parë në Maqedoni, personat e verbër do të munden të votojnë pa ndihmën e askujt. Megjithatë, udhëzuesi është në formë të shtypur dhe është i pakapshëm për ata që duhet. Për këtë arsye, për momentin, punojmë në versionin audio të udhëzuesit në gjuhë maqedonase dhe shqipe”, tha Bllagica Dimitrovska nga Shoqata “Inkluziva”.
Sot, shoqata mban trajnim për personat me pengesa, në Tetovë, për informimin e të drejtave të tyre votuese.
Biljana Jordanovska
