Komisioni Shtetëror Zgjedhor, më së voni deri nesër, me short duhet t’i përcaktojë listat e vetme të kandidatëve për këshilla të komunave dhe për kryetarë të komunave, për zgjedhjet e ardhshme lokale.
Lista e kandidatëve për anëtarë të Këshillit dhe lista e kandidatit për kryetar komune, që është dorëzuar nga dorëzuesi i njëjtë, do të kenë numrin e njëjtë rendor në të gjitha komunat.
Rendi i kandidatëve në listë është i përcaktuar me short dhe është i njëjtë në të gjitha komunat, ndërsa në komunën në të cilën aplikuesi nuk ka përfaqësuesin e vet, numri përkatës do të anashkalohet dhe në vendin e tij do të shënohet numri rendor i bartësit të ardhshëm, pa u lënë i zbrazët vendi.
Komisionet Komunale Zgjedhore dihet ti shpallin listat e kandidatëve për anëtarë të këshillit dhe për kryetar komune, më së voni deri më 21 shtator.
Në komunat në të cilat së paku 20% e popullsisë e flet gjuhën zyrtare, e cila nuk është gjuha maqedonase, listat e kandidatëve do të shpallen në gjuhën që e flasin qytetarët në atë komunë.
Fushata zgjedhore fillon më 25 shtator, ndërsa më 15 tetor do të votohet në gjithsej 3.480 vendvotime në 80 komuna dhe në Qytetin e Shkupit.
