Mbi 11.000 anëtarë të OBRM-PDUKM tashmë zyrtarisht janë deklaruar se kërkojnë reforma në parti. Ata më nuk i fshehin pakënaqësit dhe revoltën ndaj Nikolla Gruevskit dhe klikës së tij, e cila i ka sjell dëme të mëdha dhe të pakthyeshme partisë. Siç informojnë nga shtabi Republikan për reforma në parti, tashmë kanë numër të madh të përkrahësve për angazhimin tyre, pothuajse në të gjithë qytetet e shtetit. Shtip, Ohër, Demir Hisar, Veles, Kriva Pallankë, Gjevgjeli, Kumanovë, Prilep, Tetovë, Gostivar, Dibër dhe qytete tjera, janë në listën e përkrahësve të procesit reformues. Masovikisht po anëtarësohen edhe nga Unioni i gruas i OBRM-PDUKM.
“Nikolla Gruevski, duhet të largohet! Ai më nuk gëzon legjitimitet të jetë kryetar i partisë! Duhet të kthehet demokracia në rendin partiak dhe të arrihet fitorja në zgjedhjet e ardhshme parlamentare!”, kategorik është Aleksandar Cezar Konevski, anëtar i shtabit Republikan për reforma në OBRM – PDUKM.
Siç tregon, në fillim takimet me përkrahësit janë mbajtur fshehurazi, por, vetëm më pak se tre muaj u rrit numri i përkrahësve dhe takimet janë mbajtur publikisht në Maqedoni. Mbahen panel-diskutime, ndërsa anëtarët e pakënaqur nuk e fshehin revoltin ndaj Gruevskit dhe njerëzve të tij. Sipas Konevskit, zgjedhjet lokale janë betejë e rëndë për OBRM – PDUKM.
“Me parti të pa reformuar, me kandidatë të deleguar nga modeli i klikës së Gruevskit, e vështirë do të jetë beteja. Angazhimi ynë është që OBRM-PDUKM, gjithmonë të jetë fitues zgjedhor”, akcenton Konevski.
Ne jemi parti popullore dhe refuzojmë të hyjmë në objektet megalomane, të cilat me paratë e popullit i ndërtoj Gruevski, për ta kënaqur hedonizmin e tij. Lukset e klikës, “pallata e bardhë” në Shkup, i takon vetëm zyrtarëve të lartë, por jo edhe popullit i cili kërkon parti të shëndosh dhe të fortë, e cila do të kujdeset për nevojat dhe interesat e njeriut të ndershëm”, është decid Konevski.
Monika Taleska
