Nuk do të ketë më rradhë të gjatapara sporteleve të Drejtorisë për të Ardhura Publike. Ndryshohet mënyra për llogaritjen e tatimit personal dhe për dorëzimin e paraqitjeve të tatimit, kështu që, qytetarët në të ardhmen nuk do të jenë të obliguar vetë ta dërgojnë paraqitjen vjetore në sportelet e Drejtorisë.
Drejtoria do ta ketë obligim përmbledhjen e të gjitha të dhënave për të ardhurat e realizuara të personit fizik dhe në formë elektronike t’ia dorëzojë për plotësim ose përmirësim. Secili qytetar do të ketë fjalëkalimin e vet, përmes të cilit do të mund të depërtojë në fletëparaqitjen e dorëzuar nga Drejtoria dhe të bëjë kontrollimin e të dhënave. Nëse vëren se në paraqitjen nuk janë vendosur disa nga të ardhurat e realizuara, të njëjtat do të mundet t’i shtojë vetë.
Sistemi i ri i paraqitjes vjetore të tetimit duhet të fillojë me funksionim nga viti 2018.
Përndryshe, para disa ditë, Qeveria në seancë e miratoi informatën për statusin e projektit “Thjeshtësimi i procedurave për informim dhe pagesë të tatimit personal të të ardhurave”, që është i financuar nga IPA fondet. Zbatimi i projektit, siç informuan nga Qeveria, do të kontribuojë për mënyrë të lehtësuar të komunikimit të Drejtorisë me taksapaguesit dhe do të thjeshtësohet mënyra e llogaritjes dhe pagesës së tatimit personal të të ardhurave.
“Projekti parashikon edhe zvogëlimin e procedurave administrative dhe të shpenzimeve, ndërsa u theksua se nga kjo qasje e re, pritet rritje e pagesës së tatimit personal për rreth 50%”, informuan nga shërbimi i Qeverisë.
