Ministria për Punë dhe Politikë Sociale ka dërguar kumtesë për kopshtin e paregjistruar “Bleta” në Çair. Nga Ministria sot kanë dërguar inspektorë nga Sektori për mbikqyrje mbi aplikimin e rregullave ligjore nga fusha e mbrojtjes sociale dhe mbrojtjes së fëmijëve. Me mbikqyrjen e jashtëzakonshme në një lokacion në Komunën e Çairit, pas paraqitjes për punë të institucionit parashkollor për fëmijë, për të cilin Minsitria nuk ka dhënë vendim përkatës, dhe pas paraqitjes së qytetarëve, në një shtëpi private, në ambiente të adaptuara shkollore me pajisje përkatëse, janë gjetur 20 fëmië, të mohës 6 deri 10 vjeçare, dhe dy mësimdhënëse.
“Edhe fëmijët edhe mësimdhënëset kanë pohuar se këtu mbahet arsim me rite fetare (lutje, falje dhe mësim i librave fetare) nga ora 11 deri ora 16, çdo ditë pune. Me kërkesë të inspektorit të Inspektoratit Shtetëror për punë, për qasje në dokumntacionin për punë të objektit, kanë thëne se dokumentacionin e plotë e posedon pronari i shoqatës humanitare “Mustafa Pasha”, i cili është shtetas i Turqisë. Gjithashtu, nga deklarimi i mësimdhënëses prezente, kjo organizatë humanitare ka ë tepër objekte me karakter të njëjtë arsimor-edukativ, por nuk ka dijeni se ku gjenden”, thuhet në kumtesën e MPPS.
Nga Ministria informojnë se në interesin e sigurisë së fëmijëve të cilët në kundërshtim me ligjin, janë të strehuar në organizata të ashtuquajtura humanitare, do të kërkojnë nga MPB dhe nga Ministria për Arsim dhe Shkencë, që në kornizat e kompetencave, ta hetojnë arsyeshmërinë, karakterin dhe qëllimet e organizatës humanitare.
M.Ivanovska
