Rastet “Puç” dhe “Sopot” të cilat kryetari PetarAnevski i suante në sirtar, sot, nën presion të anëtarëve të Këshillit të prokurorëve publikë, do të gjenden në rendin ditor.
Edhe pse Prokuroria Speciale Publike disa herë ka informuar se ka dëshmi prë rastrin “Sopot”, Këshilli i Prokurorëve nuk u deklarua nëse rasti do ti jepet PSP, ose do të pritet ndryshimi i rrethanave dhe përfshirja edrejtë nga Prokuroria Publike, pas ndryshimit të pritur të Marko Zvrlevskit.
Për rastin “Sopot” janë gjykuar dhe dënuar 11 persona të këtij fshati, me gjithsej 150 vite burg, me akuzë se kanë vendosur minë prej të cilës e kanë humbur jetën dy ushtarë polakë.
Edhe rasti “Puç” ishte i vendosur në pritje, pasi që Prokurori Publik Zvrlevski me muaj e fshihte iniciativën, me të cilën kërkohej mbrojtja e ligjshmërisë dhe anulimi i marrëveshjes të cilën e lidhi Prokuroria për ndjekje të krimit të organizuar me Zvonko Kostovski, një nga të akuzuarit në rastin.
Zvrlevski nuk doli para opinionit me përgjigje se pse iniciativa për mbrojtjen dhe ligjshmërinë, edhe pse e punuar, nuk është përcjellur deri te Gjyqi Suprem, si dhe se pse lënda nuk është e dorëzuar te Prokurorja Speciale Publike.
PSP në janar e tërhoqi rastin “Puç”, me shpjegim se në hetimet për rastin “Fortesa” kanë ardhur deri te dëshmi të cilat janë në kundërshtim total me të paraqiturat në materialet për rastin “Puç”.
