Kryetari i Kuvendit, Talat Xhaferi e konstatoi dorëheqjen e deputetit Nikolla Todorov nga VMRO-DPMNE, i cili dje e paralajmëroi vendimin e tij në profilin e tij në Fejsbuk. Pasi Todorovi nuk e arsyetoi dorëheqjen, ajo vetëm u konstatua.
Deputetët Menduh Thaçi nga PDSH dhe Amdi Bajram nga SRM nuk janë të pranishëm në eancë, ndërsa Antonio Milloshivski ende nuk e pranon zgjidhjen e Talat Xhaferit për Kryetar të kuvendit, gjegjësisht, për atë, ai ende është deputet.
Me vonesë gjysmë orëshe, kështu filloi seanca e sotme e Kuvendit për zgjedhje të Qeverisë së re. Seanca duhet të kryhet më së voni deri nesër në mesnatë, deri kur është i paraparë afati ligjor për zgjedhjen e Qeverisë.
Siç është e caktuar me Rregulloren, mandatari Zoran Zaev duhet ta argumentojë Programin dhe zgjedhjene 25 deputetëve të cilët ishin dërguar paraprakisht në Kuvend. Që të votohet Qeveria e re, nevojiten 61 vota.
Me 66 vota për, deputetët e votuan propozimin përë rendin e ditës në seancën e sotme. Pastaj, deputetët nuk e pranuan propozimin e Ilija Dimovski nga VMRO-DPMNE për ndryshimin e Kodit Zgjedhor me procedurë të shpejtë.
