Bekim Asani, një nga aktivistët më të shquar LGBT në Maqedoni, presidenti dhe një nga themeluesit e “LGBT United – Tetovë”, flet për gjendjen e drejtësisë sociale në qytetin e tij, për problemet me të cilat përballet komuniteti LGBT , por edhe për luftën e të gjitha komuniteteve për të drejtat e tyre.
Nëse shoh se si ndër vite lëvizin punët në një shoqëri të ndarë, siç është Tetova, edhe drejtësia sociale është selektive. Dëshiroj të theksoj se ekziston diskriminim i madh dhe mosinformim i madh mes Tetovarëve, për të drejtat e tyre sociale dhe, gjithashtu një jogatishmëri e institucioneve për bashkëpunim me sektorin qytetar, si dhe për informimin e qytetarëve për të drejtat e tyre themelore sociale. Ekziston boshllëk i madh mes marrëdhënies së institucioneve dhe qytetarëve”, thotë Asani.
Ai theksoi se mungesa e informatave dhe mungesa e qasjes deri te informatat i ndalon njerëzit ti gëzojnë të drejtat e tyre sociale.
“Ekziston diskriminim i personave LGBTI në të gjitha sferat e jetës, në aspektin e punësimit, kërkesën e të drejtave, arsimit, por, për fat të keq, për shkak të mosbesimit të madh në instiotucionet dhe frikës nga diskriminimi i mëtejmë dhe stigmatizimi, LGBTI njerëzit vendosin të mos paraqiten dhe heshtin”, theksoi Asani.
Në pyetjen se cilat janë rekomandimet e tij për përfshirje më të madhe të komunitetit LGBTI në procesin e vendimmarjes, si në nivel lokal, ashtu edhe në nivel nacional, ai thotë se hapat konkrete për tejkalimin e problemeve të komunitetit LGBTI, si dhe të gjitha komuniteteve në vend, janë të mundura vetëm përmes shoqërimit dhe bashkëveprimit të të gjitha organizatave qytetare.
“Nëse ne i shohim gjërat të cilat i kemi të përbashkëta dhe na bëjnë të njëjtë, mund të bëjmë presion shumë më të madh mbi institucionet. Për këtë arsye, kur flasim për të drejtat e njeriut duhet ti shohik si të drejta të njeriut, të çdo njeriu, dhe jo të drejtat e mia ose tuajat”, përfunoi Asani.
Gazetare dhe montazhi: Maja Ivanovska
Kamera: Dehran Muratov
Intervista është pjesë e projektit “Shoqëri pa kufij”, të cilin CIVIL – Qendra për Liri e zbaton me mbështetje nga Fondacioni Gjerman “Hajnrih Bell”. Qëllimi i projektit është promovimi dhe edukimi i qytetareve dhe qytetarëve të Maqedonisë për “Kartën Qytetare”, dokumentin global për avancimin e të drejtave qytetare dhe të pjesëmarrjes aktive të qytetarëve në proceset e vendimmarrjes.
