“Nuk mund të flasim për drejtësi sociale në vend ku vazhdimisht kërkohen donacione dhe ndihmë humanitare për raste për të cilat në një shoqëri normale, ndihmon shteti”, deklaroi Ilija Balltovski nga organizata “ Për ne bëhet fjalë”, në bisedën për CIVIL Media në temën – drejtësia sociale dhe shpërngulja nga Maqedonia.
Manastiri me traditë mërgate, në vitet e fundit u rrit në qytet në të cilin problemet financiare nuk janë arsyeja e vetme pëpr shpërnguljen e të rinjve. Sipas Ilija Balltovskit nga “Për ne bëhet fjalë”, një nga motivet kryesore për shpërnguljen e shumë miqëve të tij, profesorë, mjekë, intelektualë…, është edhe rrënimi i dinjitetit njerëzor.
“Shumë njerëz, posaçërisht të rinj, u larguan nga Manastiri që të mbeten njerëz me dinjitet”, thotë Balltovski.
Me bashkëbiseduesin tonë biseduam edhe për ekonominë e dobët dhe për mbylljen e shitoreve nëpër çarshinë e Manastirit.
“Manastirasit nuk munden të bëjnë asgjë vetë. Megjithatë, nevojitet strategji për zhvillimin e qytetatit. Për fat të keq, Manastiri është i harruar, Manastiri është në margjinat… Dikush qëllimisht ia bën këtë Manastirit”, tha Balltovski, tuke e shpjeguar shkëputjen e qytetit nga aspekti gjeopolitik në krahasim me pjesën tjetër të vendit.
Biljana Jordanovska
Kamera: Dehran Muratov
Montazhi: Maja Ivanovska
Intervista është pjesë e projektit “Shoqëri pa kufij”, të cilin CIVIL – Qendra për Liri e zbaton me mbështetje nga Fondacioni Gjerman “Hajnrih Bell”. Qëllimi i projektit është promovimi dhe edukimi i qytetareve dhe qytetarëve të Maqedonisë për “Kartën Qytetare”, dokumentin global për avancimin e të drejtave qytetare dhe të pjesëmarrjes aktive të qytetarëve në proceset e vendimmarrjes.
