Ekipe të CIVIL – Qendrës për Liri dje e ndoqën referendumin në Gjevgjeli. Përveç vëzhgimit të procesit zgjedhor, me qytetaret dhe qytetarët e Gjevgjelisë biseduam për qëndrimet e tyre rreth ndërtimit të minierës dhe për problemet ekologjike me të cilat përballet qyteti.
Të gjithë të anketuarit, pa përjashtim, u deklaruan se janë kundër ndërtimit të minierës, që në fakt edhe u tregua sipas rezultateve të para nga referendumi i djeshëm.
Disa nga qytetarët ishin të habitur nga pyetja, kështu që mes vete shpjegoheshin nëse janë për ose kundër, ndërsa një pjesë tjetër thonë se referendumi është mënyrë e shkëlqyer të shihet vullneti i popullit.
Në pyetjen se cili është problemi më i madh ekologjik me të cilin Gjevgjelia është ballafaquar deri tani, qytetarët u deklaruan për ndotjen e ujit.
“Uji është problem i madh. Shumë njerëz pinë ujë të blerë. Edhe ne jemi nga ata!”, thotë një nga bashkëbisedueset.
Një nga bashkëbiseduesit u ankua se iu është mohuar e drejta votuese, nuk deshi të na shpjegojë arsyen, ndërsa për qëndrimin rreth referendumit u përgjigj: “Pasi që nuk votoj, nuk më intereson!”.
Madje 99,1% banorë të Gjevgjelisë të cilët dolën në referendum, votuan kundër hapjes së minierave për ari. Vetëm 154 qytetarë të Gjevgjelisë kanë votuar për dhënien e lejes.
Maja Ivanovska
Kamera: Dehran Muratov
[divide]
Intervista është pjesë e projektit “Shoqëri pa kufij”, të cilin CIVIL – Qendra për Liri e zbaton me mbështetje nga Fondacioni Gjerman “Hajnrih Bell”. Qëllimi i projektit është promovimi dhe edukimi i qytetareve dhe qytetarëve të Maqedonisë për “Kartën Qytetare”, dokumentin global për avancimin e të drejtave qytetare dhe të pjesëmarrjes aktive të qytetarëve në proceset e vendimmarrjes.
