Gazetarja Biljana Spaseska Georgievska, redaktorja aktuale e lajmeve në TV 21, në vlerësimin e saj për rolin e mediave gjatë procesit zgjedhor për zgjedhjet e parakohshme parlamentare më 11 dhjetor të vitit të kaluar, në panelin “Mes çekanit dhe kudhrës: Mediat dhe gazetaria në procesin zgjedhor” i cili u mbajt javën e kaluar në organizim të CIVIL-Qendrës për Liri, vëri në dukje vështirësitë me të cilat është përballur mediumi gjatë tentimit të prezantohen informata objektive, të balancuara dhe qëndrime të subjekteve relevante politike në skenën politike të Maqedonisë.
“Mosardhja e bashkëbiseduesve nga partia kryesore qeverisëse çdo herë krijon problem. Artikulli të mos jetë i plotë ose të mbulohet ajo zbrazëtirë me lajmërime partiake të cilat kohëve të fundit liferohen. Dhe shpesh në lajmet dhe në televizionet, në vend të personit i cili do ti mbrojë qëndrimet, ne shohim grafika. Kjo është një gjë e re në gazetarinë e Maqedonisë! Në këtë mënyrë nuk mund të zëvendësohet ana e cila mungon dhe kjo është një presion i madh për mediat të cilat nuk konsiderohen si të mirëseardhura te parti të caktuara politike. Thjeshtë, ekzistojnë dhe kanë nevojë ta shprehin tregimin e të gjithë vepruesve, të gjithë krijuesve të politikave dhe më në fund u kemi borxh një sqarim të madh qytetarëve, prej cilave para financohen dhe jetojnë të gjithë”, tha Biljana Spaseska Georgievska, redaktore e lajmeve në TV 21.
Ajo theksoi se gjatë informimit për fushatën zgjedhore, TV 21 i ka ndjekur me shumë saktësi instruksionet e komisionit ad-hok.
“Aq sa pashë, nga 44 akuza kundërvajtëse, vetëm tre kanë të bëjnë me televizionin në të cilin punoj. Dhe këto nuk janë për tone tifoze në disa nga raportet, por për minuta të tejkaluara në programin e paguar. Nga ato 44 paraqitje, 33 kanë të bëjnë me bllokun e mediave pro-qeveritare dhe praktikisht, komisioni ad-hok ka bërë një fotografim rëntgeni të asaj- që besoj se do të mbetet e nënvizuar në historinë e gazetarisë Maqedonase si një periudhë shumë e keqe dhe e errët. Dhe shpresoj se do të fillojmë ngadalë të tërhiqemi nga ajo”, vlerëson Spaseska Georgievska.
Kamera: Atanas Petrovski
Montazhi: Monika Taleska
