Dje në mbrëmje në rrugët para shtëpive të disa funksionarëve të LSDM, ishin shkruajtur porosi se janë “tradhtarë, shërbëtorë, se do ta shesin Maqedoninë she do të vendosin dygjuhësi”. Në rrugën para shtëpisë së deputetit Maksim Dimitrievski, janë shkruajtur porositë: “Makso varrmihës i Maqedonisë”, “Makso shërbëtor shqiptar”, “Makso tradhtar”…
Në bisedë për CIVIL Media, Dimitrievski deklaroi se as ka qenë, as do të jetë tradhtar i Maqedonisë, dhe se nuk do ta frikësojnë dhe ta ndalojnë në angazhimet e tij për ndërtimin e shoqërisë më të mirë.
“Këtë e ka bë ndonjë i uritur dhe i zbathur, i cili pret sandviç si shpërblim nga porositësit e tij, që t’i mbulojnë krimet e tyre. Së shpejti do t’i japim fund të gjitha parregullsive dhe krimit”, theksoi Dimitrievski. Ai rastin e ka paraqitur në polici dhe hetimet për gjetjen e vepruesit janë në zhvillim.
Edhe para shtëpisë së deputetit Petre Shilegov u paraqit porosi: “Petre Shilegov, vallë edhe fëmijët e tu votuan për dygjuhësi?”.
Në Fejsbuk profilin e tij Shilegov ka shkruar: “Radhën tjetër, bini ziles o heronj. Do ta hapi derën, do t’ju jap kafe, mundem edhe t’ju shpjegoj diçka, nëse doni të kuptoni. E tani, vrap te Grujo. Ndihmoni të bëhet gati. Për qëndrim më të gjatë”.
Gjatë natës janë demoluar dritaret e kafesë “Izlet”, e njohur pas Revolucionit të Larmë, ku mblidhnin donacione për pagesën e dënimeve të demonstrantëve.
