Projekti rajonal RETROaktiva paraqet orvatje të përbashkët të më tepër organizatave të bëjnë retrospektivën e aktivizmit dhe rezistencës qytetare në rajonin post-jugosllav në periudhën 1980-2016.
RETROaktiva është projekt i përbashkët i GONG nga Kroacia, Qendra për Dekontaminim nga Beogradi, CIVIL-Qendra për Liri nga Shkupi, Anima- Qendra për arsimim paqësor dhe femëror nga Kotori dhe Parlamenti Qytetar i Helsinkit nga Banja Lluka, qëllimi i të cilit është dokumentimi dhe afirmimi i iniciativave më interesante aktiviste dhe artistike gjatë 30 viteve të kaluara në rajonin post-jugosllav.
“Bëhet fjalë për aktivitete përmes të cilave janë rikonsideruar dhe de-normalizuar diskurset dominonte të nacionalizmit, liberalizmit ekonomik, militarizmit dhe shkeljes së të drejtave të njeriut nga të gjitha aspektet” – deklaroi për CIVIL Media, Marina Shkrabalo nga GONG.
Më 13 prill në Zagreb do të hapet ekspozitë e madhe e veprave të zgjedhura aktiviste dhe artistike nga i gjithë rajoni, të cilën do ta formojë KURZIV-Platforma për çështje të kulturës, mediave dhe shoqërisë nga Zagrebi.
Paralelisht me ekspozitën, do të mbahet edhe konferencë e madhe rajonale e cila do të jep referencë (vetë)kritike ndaj arritjet, pengesat dhe lëshimet e aktivizmit qytetar dhe veprimit artistik dhe formësimit të hapësirave tona publike, politike, dhe qëndrimeve shoqërore dhe marrëdhënieve. Veprat e ekspozuara në Zagreb do të jenë në dispozitë edhe për ekspozita tjera në rajon.
Në vend të publikimeve të njëhershme, dokumentimi, debatet dhe tekstet e përmbledhura ose të krijuara në kornizat e projektit, do të kenë qasje afatgjatë në ueb-faqen me titull pune “Ditari aktivist”, e cila do të mund të plotësohet dhe të shërbejë si “libër mësimi” për iniciativat progresive aktiviste në vendet post-jugosllave nga fundi i viteve ’80 (para luftërave dhe shkatërrimit të RSFJ) deri ( në dritë të krizës aktuale të demokracisë dhe sigurisë anembanë Evropës).
Projekti është i mbështetur në kornizat e Programit Evropa për qytetarët.
