Qyteti i Shkupit dhe komunat Manastir, Veles dhe Kumanovë, kanë vendosur t’i anulojnë kremtimet për Vitin e Ri nëpër sheshet, dhe mjetet ti riadresojnë për qëllime humanitare. CIVIL-Media tentoi të fitojë përgjigje se ku kanë mbaruar mjetet të cilat deri vitin e kaluar shpenzoheshin për organizimin e kremtimeve për Vitin e Ri dhe për honoraret e artistëve të estradës nga Maqedonia dhe huaj.
Nga komuna e Velesit, thonë se mjetet veç më janë shfrytëzuar për ndihmën e familjeve sociale nga qyteti. “Nga qendra për punë sociale, na dërguan lista të 40 familjeve më të rrezikuara në Veles, të cilëve u dhamë kuponë nga 2.000 denarë, ndërsa kemi bërë edhe paqeta me artikuj ushqimorë dhe mjete higjienike me vlerë prej 2.500-3000 denarë. Në këtë mënyrë, paratë e parapara për festimet e fund-vitit në Veles, i shfrytëzuam për qëllime humanitare”, thonë nga Komuna.
Kryetari i Komunës së Manastirit, Vlladimir Taleski, në konferencën për shtyp më 22 dhjetor ka deklaruar: “ Shuma prej 1.000.000 denarë, e paraparë për këtë, do të ri-adresohet për qëllime humanitare. Një pjesë do të shfrytëzohet për pajisjen e dhomës me sensorë për fëmijët me dëgjim, shprehje të dëmtuar dhe nevoja tjera “Koço Racin” në Manastir, ndërsa pjesa tjetër për kategoritë sociale”.
Megjithatë, edhe përskaj qëndrimit konkret të Taleski-t para Vitit të Ri, se ku do të shfrytëzohen mjetet, sekretari i Komunës së Manastirit, Sllobodan Bonçanoski, për CIVIL Media deklaroi: “Këshilli ka sjellë vendim që deri në fund të muajit janar të formohet trup special i cili do të vendosë qëllimet e mjeteve”.
Komuna Kumanovë sot ka pasur probleme me lidhjet telefonike dhe nga atje ishim të informuar se pyetjet do të përcillen deri te kompetentët, dhe pastaj do të na përcjellin informatën e kërkuar.
Siç informon Radio MOF, ata kanë arritur të marrin përgjigje nga Qyteti i Shkupit, e cila thotë: “Se ku do të jepen mjetet, dhe në cilën mënyrë, do të vendos Këshilli i Qytetit të Shkupit, ndërsa seancë nuk është mbajtur në disa javët e fundit. Qyteti i Shkupit me kohë do ta informojë publikun se kujt do t’i jepen këto mjete”.
Edhe nga partia E majta, sot kanë apeluar deri te vetëqeverisjet lokale ta informojnë publikun e Maqedonisë se për cilat qëllime do t’i shfrytëzojnë paratë e parapara por të pa harxhuara për festimet e fund-vitit.
“E majta kërkon që vetëqeverisjet lokale të cilat i anuluan festimet për Vitin e Ri, të tregojnë publikisht dhe në mënyrë transparente, se ku kanë mbaruar saktë mjetet, për të cilat kanë premtuar se do t’i ri-adresojnë për qëllime humanitare..Nëse vetëqeverisjet lokale refuzojnë publikimin transparent se ku kanë mbaruar paratë e qytetarëve, me të drejtë mund të vlerësohet se ky ishte vetëm edhe një truk magjik i tyre, duke ju hedhur mjegull syve të qytetarëve”, thuhet në lajmërimin e Të majtës.
M.Tegovska
