“Qëndro në mbrojtje të të drejtave të dikujt”, është sllogani me të cilin shtetet anëtare të Kombeve të Bashkuara sot e shënojnë 10 dhjetorin – Ditën Ndërkombëtare të të Drejtave të Njeriut. Në këtë ditë, në vitin 1948 në Paris është miratuar Deklarata Universale për të Drejtat e Njeriut, rëndësia e të cilës është inspirim për shënimin e të drejtave të njeriut anembanë botës.
Deklarata Universale është e përbërë nga 30 nene, të cilat janë të përfishra në marrëveshje ndërkombëtare, instrumente rajonale për të drejtat e njeriut, kushtetuta kombëtare dhe ligje. Postulatet themelore mbi të cilat bazohet Deklarata Universale për të Drejtat e Njeriut, tregojnë për faktin se liritë dhe të drejtat janë të dhëna për të gjithë, anembanë botës, në çdo vend dhe kohë.
Këtë vit, më 10 dhjetor shënohet edhe jubileu tridhjetëvjeçar nga sjellja e Konventës kundër torturimit dhe çdo lloji tjetër të veprimit dhe dënimit jonjerëzor, poshtërues dhe të ashpër.
