Në ambientet e Komisionit Shtetëror Zgjedhor (KSHZ), sot do të votojnë 325 anëtarë të bordeve zgjedhore të cilët do ta realizojnë votimin e zgjedhjeve të parakohshme parlamentare të caktuara për ditën e diel, në përfaqësitë diplomatike-konsullore dhe në zyrat konsullore të Republikës së Maqedonisë.
Në Listën e Veçantë të Votuesve janë regjistruar 230.122 persona, për të cilët, në pajtim me evidencën e organeve përkatëse, vlerësohet se janë në punë të përkohshme jashtë vendit, ndërsa për votim në diasporë –KSHZ ka pranuar paraqitjet e 20.573 qytetarë.
Në vendet e huaja, votuesit e paraqitur nga diaspora do të votojnë në 46 përfaqësi diplomatike –konsullore dhe në zyrat konsullore, të shtunën, më 10 dhjetor, nga ora 7 deri ora 19, sipas kohës lokale. Më tepër të paraqitur ka në Bern – 4.256, në Venedik -2.724, në Detroit -1.170, në Njujork -1.168 dhe në Melburn -1.112.
