CIVIL- Qendra për Liri, vetëm tre ditë para zgjedhjeve do të mbajë ceremoni për ndarjen e pesë shpërblimeve për gazetari qytetare, si pjesë e aktiviteteve të projektit “Objektivi qytetar”. Ceremonia do të mbahet të enjten, në hotelin City Park, me fillim në ora 12.
Në ceremoninë do të prezantohen artikujt më të suksesshëm të gazetareve dhe gazetarëve qytetarë që kanë të bëjnë me procesin zgjedhor dhe të cilat ishin të dërguara në dy muajt e kaluara.
Ky projekt i përcjell ngjarjet aktuale dhe proceset në vend dhe i shpërblen artikujt më të suksesshëm të gazetareve dhe gazetarëve qytetarë.
Para një kohe të shkurtë, CIVIL ka botuar publikimin “Ne jemi Mediat!” në të cilin janë të publikuara përvojat, raportimet dhe tekstet e jashtëzakonshme të autorëve të cilët shkruajnë për lirinë e shprehjes, për transformimin e mediave, për gjendjet në Maqedoni, për historinë e gazetarisë qytetare…
Projekti është i kushtuar promovimit të proceseve përgjegjëse dhe transparente politike në Republikën e Maqedonisë, përmes trajnimeve për gazetari qytetare, prodhimit mediatik dhe forcimit të vetëdijes publike. Për dy vite me radhë, projekti është i financuar nga National Endowment for Democracy.
Gazetaret dhe gazetarët qytetarë mund të dërgojnë artikuj deri te CIVIL në onlajn formularin në ueb faqen Objektivi Qytetar.
