Lista e Votuesve nuk guxon të bëhet mjet për manipulim me rezultatin zgjedhor! CIVIL –Qendra për Liri, sot, posaçërisht në disa orët e fundit, ka regjistruar numër të madh të paraqitjeve të qytetareve dhe qytetarëve për persona, të cilët, sipas reagimeve të tyre, janë shlyer nga Lista e Votuesve. Bëhet fjalë për persona të cilët me vite pas, kanë votuar në vendvotim të njëjtë dhe të cilët herën e fundit kur e kanë kontrolluar gjendjen, para mbylljes së listës, kanë qenë aty!
Qytetarët e revoltuar thonë se nuk kanë besim në institucionet shtetërore dhe kërkojnë që përmes sektorit qytetar të informohet publiku demokratik për atë që po ndodh.
CIVIL kategorikisht kërkon nga Komisioni Shtetëror Zgjedhor që menjëherë ta rregullojë situatën e re. KSHZ duhet patjetër të konceptojë metodologji se si tu mundësojë qytetarëve të padrejtësuar të cilët nuk kanë faj për rrëmujën në Listën e Votuesve, ta realizojnë të drejtën e tyre për votë, të garantuar me kushtetutë.
CIVIL apelon që KSHZ t’i dërgojë punëtorët e tyre në terren, dhe t’u jep përgjigje përkatëse të gjithë të “zhdukurve” nga Lista e Votuesve, për arsyet e zhvillimit të ngjarjeve.
Lista e Votuesve, posaçërisht pas mbylljes së saj, nuk guxon të bëhet mjet për manipulim me rezultatin zgjedhor!
CIVIL kërkon zbatimin e veprimit të qartë, përmes cilës të gjithë qytetarët dhe qytetaret do ta realizojnë të drejtën e tyre votuese!
