Për shkak të ndotjes alarmante të ajrit dhe pasivitetit të pushtetit lokal dhe qendror, në organizim të shoqatës “Për ne bëhet fjalë” qytetaret dhe qytetarët e Manastirit do ta bllokojnë rrugën drejt Novaci, gjegjësisht drejt REK “Manastir”, tre ditë me radhë, duke filluar nga e enjtja, 1 dhjetor, nga ora 15 deri ora 17.
Nën moton “Manastiri po mbytet, Manastiri po vdes!”, iniciatorët e protestës qytetare nga shoqata “Për ne bëhet fjalë”, përfundimisht kërkojnë nga Komuna dhe nga Qeveria masa urgjente për zgjidhjen e problemit që i brengos të gjithë Manastirasit: Subvencionimi i energjisë elektrike deri në zbatimin e gazifikimit dhe zbatim të regjimit të trafikut në zonën qendrore të qytetit. Nëse kërkesat nuk plotësohen, iniciatorët paralajmërojnë radikalizmin e protestave dhe bllokadë të plotë të rrugës që çon drejt REK “Manastir”.
“Në vitet e kaluara edhe kemi protestuar, edhe kemi nënshkruar memorandume, edhe kemi biseduar me parti politike dhe me vendim –marrës, por rezultat për ndotjen e ajrit në Manastir- nuk ka. Si shprehje e revoltës, atë që mund ta bëjmë ne qytetarët, është pikërisht bllokimi i rrugës drejt REK “Manastir”. E tërë kjo është në interes të qytetarëve, në interesin e të gjithë neve që jetojmë në Manastir dhe vazhdimisht mbytemi”, deklaroi për mediat Ilija Balltovski nga “Për ne bëhet fjalë”.
Në pyetjen për mundësinë – për shkak të kohës në të cilën do të zhvillohen protestat, një ditë pas aksionit propagandist të qeverisë – “Dita e drurit” dhe në mes të fushatës zgjedhore – iniciatorët të jenë të akuzuar për politizim., Balltovski në mediat u përgjigj se ka vetëm një prioritet për Manastirasit : Nëse për politikanët janë prioritet zgjedhjet, ne, qytetarët është me prioritet –jeta! Ne na intereson zbatimi sa më i shpejtë i masave, për arsye se nuk shkon më tutje, jemi të shtypur për muri!”.
