“ Kur ka indikacione për krim dhe kur është ngritur aktpadi, ai njeri nuk mund të jetë në listën për deputetë ose bartës i listës. E jo të prezantohet si shpëtimtar i Maqedonisë dhe të shfrytëzojë retorikë nacionale –“për Maqedoninë bëhet fjalë! Kjo është dëshpëruese”, theksoi lideri i partisë për emancipimin e plotë të Romëve, Samka Ibraimoski, në konferencën “Zgjedhje të Lira 2016, në organizim të CIVIL –Qendrës për Liri.
“KSHZ tani nuk sjell vendime të drejta, sepse në të ka anëtarë të partive politike të cilët votojnë në interes të partive. KSHZ duhet të përbëhet nga kuadro profesionale, sepse bëhet fjalë për institucion shtetëror. Me këtë përbërje, nuk ka zgjedhje të lira! Si parti politike, nuk pajtohemi me Listën e Votuesve dhe nuk besojmë se zgjedhjet do të jenë të lira. Kemi dijeni se do të ushtrohen shumë presione. Dhe ushtrohen, posaçërisht presione nga pushteti, nga qendrat për punë sociale, shkojnë prej shtëpie në shtëpi dhe i bindin njerëzit se kanë probleme nëse nuk do të votojnë për ata. Kësaj here, nuk arrita t’i fotografoj, por do të dëshmoj se kjo që e flas, është e vërtetë”, ishte kategorik Ibraimoski.
