Me anulimin e zgjedhjeve me 5 qershor dhe me përcaktimin e datës së re në dhjetor, mënyra e drejtimit të fushatave të vazhdueshme zgjedhore, sipas të gjitha vlerësimeve nga vëzhguesit e CIVIL, nuk pushoi për asnjë moment.
Sipas raportuesit tonë, në shpalljen për punësim në Ministrinë e Bujqësisë, Pylltarisë dhe Ekonomisë së Ujërave, janë paraqitur dy kandidatë nga dy komuna të ndryshme, nga Maqedonia Perëndimore. Njëri kandidat ka qenë i inkurajuar nga një anëtar i lartë i parisë qeverisëse, të konkurrojë në konkursin, me premtim se kjo punë do të e kryhet.
Në intervistë, kandidati i inkurajuar ka marrë përgjigje se nuk ka përvojë pune të mjaftueshme, edhe pse ky kusht nuk ka qenë i paraqitur në shpallje. Vendin e punës e fiton kandidati tjetër nga komuna tjetër, i cili nuk është paraqitur fare në vendin e punës.
Raportuesin tonë, anëtari i partisë qeverisëse e ka informuar se ndoshta është më mirë që nuk ka pranuar përgjigje pozitive, për arsye se me paratë që duhet ti jep për punën e rregulluar, do të mund të investojë në diçka më me levërdi.
CIVIL – Qendra për Liri, në publikimin “Zgjedhje të lira: Kusht për të cilin nuk ka negociata”, tregoi për shumë burime të punësimeve partiake, veçanërisht, sipas informatave tona, në administratën publike në nivel lokal dhe qendror. Për fat të keq, pritjet se punësimet si “shpërblim” për aktivitetet partiake ose si tentim për mobilizimin e anëtarëve të rinj, do ta zmadhojnë intensitetin e tyre me afrimin e procesit zgjedhor.
Biljana Jordanovska
