Këshilli Nacional Rinor i Maqedonisë në prag të zgjedhjeve të parakohshme parlamentare, ka hartuar një Deklaratë për Promovimin e Politikave Efektive për të Rinjtë e Republikës së Maqedonisë dhe dërgoi ftesa për nënshkrimin e dokumentit deri te 17 partitë politike, të cilët kanë forume aktive të të rinjvë aktive në Republikën e Maqedonisë. Deklaratën e kanë nënshkruar të rinjtë e 13 partive politike: LSDM, PDSH, VMRO-PP, DOM, PLD, LD, GROM, PRSD, Të bashkuar për Maqedoninë, Partia e Bashkuar për Emancipimin e Romëve dhe Partia Demokratike e Turqve.
Me nënshkrimin e Deklaratës, të rinjtë e partive politike zotohen se do të angazhohen për formimin e grupit lobues rinor në kuadër të Kuvendit të Republikës së Maqedonisë, i cili në bashkëpunim me Këshillin Nacional Rinor, do t’i imponojë temat dhe çështjet rinore në organin ligjvënës. Ata do të angazhohen edhe për përmirësimin e standardit ekonomik dhe, mbi të gjitha, për zvogëlimin e papunësisë te të rinjtë dhe për zvogëlimin e ikjes të kuadrove kualitative të të rinjëve nga Republika e Maqedonisë.
Sipas kryetarit të KNRM-së, Damjan Nikollovski, Deklarata përfaqëson një hap përpara, që të rinjtë për të marrin vendin e tyre të merituar në shoqëri.
“Kjo Deklaratë, e cila nënshkruhet për herë të dytë, përmban masa dhe zgjidhje, përmes të cilave do të forcohet pjesëmarrja e të rinjve, do të vendoset një mekanizëm i përhershëm për bashkëpunim të institucioneve me KNRM-në, por do të mundësohet edhe përkrahje për të rinjtë, për përmirësimin e gjendjes së tyre ekonomike, sociale dhe shoqërore”, shtoi Nikollovski.
