CIVIL – Qendra për Liri, i ndau çmimet për gazetari qytetare edhe për ciklin e dytë të projektit “Objektivi Qytetar” në hotelin “City Park” në Shkup. Ngjarjen e hapi redaktori i CIVIL Media-s, Sinisha Stankoviq. Çmimet i ndanë Marija Tegovska dhe Dehran Muratov, gazetarë në CIVIL Media.
[youtube width=”600″ height=”400″]https://www.youtube.com/watch?feature=player_embedded&v=CCPLcQ0c9wA[/youtube]
“Pjesëmarrja në konkursin “Bëhu gazetar qytetar” në organizim të CIVIL – Qendrës për Liri, është një mundësi e shkëlqyer për të marrë pjesë në ndryshime pozitive në shoqërinë maqedonase.
Kënaqësi është të jesh pjesëmarrës në këtë konkurs dhe është një përvojë e shkëlqyer, e konfirmoj. I inkurajoj të gjithë që kanë për të thënë diçka, të zbulojnë diçka, të dëshmojnë për diçka: padrejtësi, kërcënim në votim dhe çfarëdo qoftë presionet nga të gjitha sferat e jetës, shantazhe për punësim, shantazhe për të marrë çfarëdo qoftë të drejtash që sipas ligjit u takojnë në këtë vend, e dikush merr për të drejtë që t’i manipulojë dhe të disponojë me ta dhe me pronën e tyre private, siç është trashëgimia e lënë nga prindërit e tyre, e nuk është kështu. Të dalin, qoftë edhe në mënyrë anonime, në qoftë se frikësohen për sigurinë e tyre, për ekzistencën e tyre, le të dëshmojnë për këtë … Sepse, vetëm në këtë rast, ata bëhen aktivistë – në ndërtimin e një shteti më të lirë dhe më normal, i cili mbetet jo vetëm për ne , por duhet të mbetet edhe për brezat që do të vijnë”, tha Bozhidar Barlakoski, gazetar qytetar, i cili fitoi çmimin e dytë në ciklin e muajit shkurt të konkursit “Bëhu gazetar qytetar’’.
