CIVIL – Qendra për Liri dënon ashpër aktin e çmendur terrorist në Ankara dhe dërgon ngushëllime të sinqerta për familjet e të vrarëve dhe gjithë kombit turk.
Edhe ky akt brutal i dhunës ekstreme dhe terrorit tregon se cak i terroristëve janë civilët e pafuqishëm, të paarmatosur dhe të pafajshëm. Organizatat terroriste me aktet e tyre të çmendura dhe qyqare kanë sukses vetëm për të dëshmuar se prapa tyfre nuk qëndrojnë ide dhe qëllime politike, por destruksioni i pastër dhe e keqja. Sulmet në Francë, e tani edhe në Turqi, tregojnë se bota qëndron para një kërcënimi global që nuk njeh kufij dhe qëllimi i të cilit nuk është i definuar.
Institucionet, shoqëritë dhe shtetet patjetër duhet që kërcënimeve nga terrorizmi t’u përgjigjen me veprim ende më të vendosur për demokratizim dhe respektimin e të drejtave dhe lirive të njeriut, për të dërguar një mesazh të qartë dhe pa mëndyshje – për terrorizmin nuk ka vend në civilizimin njerëzor!
