Mbrëmë në mesnatë, Komisioni Shtetëror i Zgjedhjeve e mbylli obcionin e raportimit të të dhënave jokonzistente në Listën e Votuesve, që ekzistonte si mundësi në faqen e KSHZ. Numri i madh i paraqitjeve që arritën në adresën e KSHZ-së, nga momenti kur u publikua onlajn aplikacioni për të kontrolluar Listën e Votuesve, është arsyeja që ceket për një veprim të tillë.
“Kjo është për shkak se për paraqitjet nevojitet kohë që Komisioni Shtetëror i Zgjedhjeve t’i përpunojë në mënyrë adekuate, t’i krahasojë me të dhënat e kontrolleve të kryqëzuara dhe të përcaktojë se cilët nga rastet e raportuara duhet të jenë subjekt i kontrollit në terren”, thuhet në kumtesën e KSHZ.
CIVIL – Qendra për Liri, si një organizatë cqytetare e cila çdo ditë dhe vazhdimisht merr informacione në lidhje me parregullsitë e shumta dhe kaosin që mbretëron në Listën Zgjedhore, u bën thirrje të gjithë qytetare(ë)ve, të vazhdojnë të raportojnë çdo mospërputhje në Listën e Votuesve.
“Heqja e mundësisë për të raportuar në faqen e internetit të KSHZ-së, nuk duhet të dekurajojë qytetarët, sepse CIVIL vazhdon edhe në periudhën e ardhshme të jetë një vend ku, krahas raportimit të parregullsive, mund të marrin informacionin e nevojshëm në lidhje me të drejtat e tyre si votues si dhe informata në lidhje me zgjedhjet e ardhshme të parakohshme parlamentare “, deklaroi kryetari i CIVIL-it, Xhabir Deralla.
Rastet e tilla mund të raportohen edhe në CIVIL, me printskrin dhe shënim të shkurtër se për çka bëhet fjalë në rastin e paraqitur.
Paraqitjet për votuesit fantazma, si dhe për problemet dhe parregullsitë tjera, mund të raportohen në [email protected] ose në telefonat 02/520 9176 dhe 075/565 830.
CIVIL e vëzhgon procesin zgjedhor përmes projekteve “Përpara!”, “Zgjedhjet e lira për qytetare(ë) të lirë” dhe “Objektivi qytetar.”
Marija Tegovska
