Pesëmbëdhjetë mijë numra të krijuara amë që nuk u referohen foshnjave të sapolindura, janë vetëm një pjesë e mangësive në Listën Zgjedhore të papastruar, thotë kryetari i Lidhjes Demokratike, Pavle Trajanov, për CIVIL Media.
Sipas tij, koha që mbetet deri në 5 qershor, si datë e parashikuar për zgjedhjet e parakohshme parlamentare, është shumë e shkurtër për të pastruar Listen e Zgjedhësve, sepse shumë informata konfirmojnë se në të janë të përfshirë një numër të madh i votuesve të krijuar fantazma.
“Për tu pastruar e gjithë kjo, nevojitet kontollimi në terren. Për këtë duhet të trajnohen një numër i madh i njerëzve, të formohen grupe pune, me siguri të kombinuar me anketues dhe me përfaqësues të policisë, dhe të fillojnë të punojnë – prej shtëpie në shtëpi. Kjo është një lloj regjistrim i popullatës. Bazuar në rezultatet nga terreni, në një procedurë administrative të propozojnë se kush duhet të fshihet, të eliminohet nga lista. Ai operacion është afatgjatë dhe Lista e Votuesve nuk do të mund të pastrohet dhe të jetë e përgatitur, që me 5 qeshor të ketë zgjedhje.”
Si ish-ministër i Punëve të Brendshme,,Trajanov kosideron se MPB-ja ka një pjesëmarrje të madhe në pastrimin e listës së votuesve, veçanërisht në pjesën e kryqëzimit të të dhënave.
“Vetëm duhet që vetë Ministria t’i eliminojë numrat kriminogjene të amzës – 15. 000, siç njoftoi prokurorja Fatime Fetai, për të cilat në procedurë parahetimore është konstatuar se nuk u referohen foshnjave të sapolindura. Më tej, ka 35.000 letërnjoftime që janë gjetur në MPB, të pashpërndara. Duhet vetë Ministria të kontrollojë se cilëve persona u përkasin, vallë janë të regjistruar në Listen Zgjedhore… Vetëm këto dy shifra – 15.000 numra amzë dhe 35.000 letërnjoftime tregojnë se sa është i gjërë ai operacion! Vetëm ajo gjë të kontrollohet….Këtu është edhe prurja e votuesve të rinj nga Pusteci. Duhet punuar në të gjitha këto dhe, në fund, Komisioni Shtetëror Zgjedhor duhet të japë një raport se vallë është pastruar Lista e Votuesve, në çfarë vëllimi dhe sa mbetet për inspektim në terren”.
Sipas Trajanovit, në qoftë se lihet hapësirë, përsëri mund të priten manipulime zgjedhore, prandaj është prioritet të eliminohen votuesit – fantazma që ekzistojnë dhe, në këtë mënyrë, të sigurohen të paktën kushte minimale për zgjedhje të lira dhe të ndershme.
Marija Tegovska
