Komisioni Shtetëror Zgjedhor ka dërguar një kumtesë, sipas të cilës Lista e Zgjedhësve që kanë publikuar në faqen e tyre të internetit është e bazuar në të dhënat e marra nga të evidencat zyrtare të Ministrisë së Punëve të Brendshme, Drejtorisë së Mbajtjes së Regjistrave Amë dhe gjykatave themelore, për qytetarët e Republikës së Maqedonisë që kualifikohen për të drejtë vote.
KSHZ-ja në mënyrë të prerë thekson se çdo qytetar ka të drejtë të aplikojë deri te ata, që të mos publikohet adresa e tij për shkaqe sigurie. Qytetarët mund të paraqesin kërkesat në spadresi@sec.mk, ose në zyrat rajonale të KSHZ-së.
“Qytetarët, nëse gjatë inspektimit konstatojnë se një qytetar nuk është i regjistruar në Listën e Votuesve, ose konstatojnë se ajo duhet të bëhet regjistrim, plotësim ose fshirje e të dhënave në Listën e Votuesve, kanë të drejtë, në bazë të nenit 48, paragrafit 2 të Kodit Zgjedhor, për të bërë kërkesë me të cilët duhet të paraqesin edhe dokumentacionin e duhur. Komisioni Shtetëror i Zgjedhjeve, brenda 3 ditëve nga marrja e kërkesës, do të kontrollojë saktësinë e të dhënave dhe dokumentet e bashkangjitur dhe nëse konstaton se kërkesa është e arsyeshme, do të miratojë vendim për regjistrim, plotësim ose fshirjen e të dhënave në kuptim të nenit 48 paragrafit 4 të Kodit Zgjedhor”, kumtoi KSHZ.
Nga KSHZ konsiderojnë se kontrolli qytetar i Listës së Zgjedhësve është thelbësor dhe se ai do të ndihmojë në azhurnimin e të dhënave. Ata shtuan se qytetaret dhe qytetarët kanë të drejtë të raportojnë rastet e dyshimta dhe të paraqesin kërkesat për regjistrim, plotësim ose fshirje të të dhënave në Listën e Zgjedhësve, duke paraqitur edhe dokumentacion të duhur.
