Ueb-portali “Arkivi zgjedhor i zgjedhjeve në Maqedoni nga viti 1990 deri sot” u prezantua sot nga krijuesit e tij, Instituti për Demokraci “Societas Civilis” nga Shkupi (IDSCS) dhe Fondacioni “Konrad Adenauer” në Maqedoni.
Ideja e këtij ueb-portali, siç kumtoi presidenti i IDSCS Marko Troshanovski, është që të integrohen të dhënat të pastrukturuara dhe të pasegmentuara për zgjedhjet në një vend, me qëllim – krijim të një burimi të vetëm të drejtpërdrejtë të të dhënave. Portali përmban 300 dokumente, të cilat janë të ndarë në katër kategori (viti, zgjedhjet presidenciale, parlamentare dhe lokale), të cilat janë ndarë më tej në shtatë seksione. Në Doracakun për zgjedhjet, si rubrikë e veçantë, mund të gjenden elaborate në kontekst zgjedhor, lista e të gjithë kandidatëve, korniza ligjore, si dhe raportet e misioneve vëzhguese të organizatave vendase dhe të huaja.
CIVIL – Qendra për Liri i përkujton qytetarët, se si një organizatë që punon në fushën e monitorimit të zgjedhjeve, ka publikuar më tepër raporte relevante, për zgjedhjet në vitin 2013 dhe zgjedhjet në vitin 2014.
Arkivi dixhital i zgjedhjeve, siç theksoi Johanes D. Rai, zyrtar i Fondacionit “Konrad Adenauer”, përfaqëson një institucion për kujtesë, sepse “vetëm ai i cili e di të kaluarën mund të krijojë të ardhmen.”
Dokumentet që mungojnë, sidomos nga zgjedhjet në vitet e nëntëdhjeta të shekullit të kaluar, IDSCS pritet të plotësojë duke punuar së bashku me të gjithë ata, të cilët duke përdorur këtë platofrmë, do të kontribuojnë për të pasuruar arkivin duke dërguar dokumentet të cilat në dispozicion.
