CIVIL – Qendra për Liri thërret kryetarin e Kuvendit, Trajko Veljanovski, si dhe të gjithë deputetët, të tregojnë integritet dhe përgjegjësi dhe të revokojnë vendimin e paradokohshëm për të shkuar në zgjedhje më 24 prill.
Vendimi për shpërbërjen e Kuvendit dhe zbatim të zgjedhjeve, për të cilat nuk ka as kushte minimale, është i njëanshëm dhe në kundërshtim me të gjitha vlerësimet relevante të ekspertëve, shoqërisë civile dhe komunitetit ndërkombëtar, i cili është garantues për zbatimit e Marrëveshjes së Przhinos për tejkalimin e krizës politike.
E përshëndesim hapin që e morrën një pjese e partive parlamentare, të cilat dorëzuan inicijativën për revokimin e vendimit për shpërndarjen e Kuvendit. Tani, ata që duhet të reagojnë janë kryetari Veljanoski dhe deputetët. Koha po kalon!
Në drejtimet e panumërta deri te opinioni dhe institucionet, CIVIL ka paraqitur gjetjet dhe analiza që flasin për kushtet e pamundura, në të cilat funksionon demokracia në Maqedoni. Në këtë kontekst ishte edhe kumtesa e djeshme për shtyp:
“Agonia, në të cilën është shtyrë Republika e Maqedonisë, mund të ndërpritet vetëm me zgjedhje të lira, e për këtë është e nevojshme ndarja e partisë prej shtetit, pastrimi i Listës së Votuesve, çlirimi i mediave nga prangat partiake dhe sundimi i ligjit, që nënkupton funksionimin të papenguar të Prokurorisë Speciale Publike”.
CIVIL kërkon prej elitave politike të përshpejtojnë procesin e zbatimit të Marrëveshjes së Przhinos dhe të ndërmarrin hapat urgjentë të nevojshëm për të siguruar kushte për zgjedhje të lira, pa truqet e deritanishme të njohura, pa opstruksione dhe keqpërdorime të institucioneve shtetërore.
