Në prani të përfaqësuesve të mediave dhe qytetareve e qytetarëve të interesuar, Fondacioni Fridrih Ebert dhe CIVIL e shënuan Ditën Botërore të Drejtësisë Sociale në hotelin Siti Park në Shkup, me shfaqjen e dokumentarit “Nuk kam as për bukë”, si dhe me një diskutim të të pranishmëve.
Aktivitetin e hapi Biljana Jordanovska, një nga autorët e filmit, ndërsa në ngjarje morën fjalë edhe Millan Zhivkoviq i FES, Sinisha Stankoviq, redaktor i CIVIL Media dhe Xhabir Deralla, kryetar i CIVIL.
Millani Zhivkoviq nga Fondacioni “Friedrih Ebert”, deklaroi: “Këto tregime që i bëmë së bashku me qytetaret e qytetarët janë konfirmim se në Maqedoni nuk ka drejtësi sociale.” Sinisha Stankoviq, ndër të tjera, theksoi: “Shpresoj se ky video-projeksion do të inkurajojë që të bisedojmë në mënyrë tjetër për drejtësinë sociale”.
Para gazetarëve dhe publikut të pranishëm, Xhabir Deralla edhe një herë theksoi gjendjen e mjerueshme me të drejtat e njeriut dhe drejtësinë sociale, si dhe presionet e ashpra, diskriminimin dhe abuzimin e qytetareve dhe qytetarëve të kategorive të rrezikuara sociale në kontekst zgjedhor.
