Një pjesë e turqve etnikë në Maqedoni, sot në ora 12 do të protestojnë para Qeverisë, e më pas do të drejtohen para TV Sitel, për shkak të fyerjes që ua drejtoi kryeredaktori Dragan Pavlloviq Llatas, i cili në intervistë me kryetarin e LSDM-së, Zoran Zaev, mes fyerjeve tjera, në një moment, tha: “Po gënjen si turk!”.
Nismëtarët e protestës nëpërmjet Facebook i thirrën të gjithë anëtarët e komunitetit turk, nën moton “Ne turqit nuk gënjejmë!”, por edhe të gjithë qytetarët që mendojnë lirshëm të vijnë në një protestë paqësore për të shprehur revoltën e tyre kundër fyerjes ndaj komunitetit turk.
Nismëtarët e protestës kërkojnë që Qeveriq të distancohet nga komenti i Dragan Pavlloviq Llatasit (për shkak se qeveria është financuesi më i madh i TV Sitel); të gjitha paartitë që mbajnë parashenjën – turke, të largohen nga koalicioni me VMRO DPMNE; Deputetët e në Kuvendin e Republikës së Maqedonisë të kërkojnë përgjegjësi nga TV Sitel.
Sipas paralajmërimeve, në protestë do të diskutohet edhe për ngritjen e një padie të përbashkët kundër Pavlloviqit, në bazë të Ligjit për përgjegjësi civile për shpifje ose fyerje.
