Nuk pushojnë dënimet dhe kritikat për intervistën e kryeredaktorit të TV Sitel, Dragan Pavlloviq Llatas me liderin e LSDM-së Zoran Zaev, , si brenda vendit, ashtu edhe në opinionin ndërkombëtar.
Ambasadori britanik në vend, Charles Garrett, në profilin e tij në Facebook thekson rëndësinë e lirisë së medias në një vend demokratik, që sipas tij, në këtë rast konkret vërehet në shumë komente negative në rrjetet sociale.
“E pashë ditarin e Sitelit mbrëmë. Reagimet janë të rëndësishme, jo vetëm për shkak se ajo është një ngjarje shumë e rrallë, që një udhëheqës i opozitës të ketë paraqitje në kanalet kombëtare më të shikuara. Kjo, gjithashtu, tregon se sa shumë është e rëndësishme për njerëzit dhe se sa të rëndësishëm janë parimet e lirisë së medias në demokracitë, duke përfshirë edhe Maqedoninë. Nuk jam ekspert për media dhe nuk mund të komentoj në detaje në lidhje me programin e mbrëmshëm. Kjo është përgjegjësi e organeve të medias, duke përfshirë edhe Agjencinë për Media si rregullator, përgjigjen e së cilës e vërejta sot. Këto organe duhet t’u përgjigjen plotësisht ngjarjeve të tilla për të forcuar besimin e publikut në sektorin e medias. Balanci dhe paanshmëria dhe respektimi i ligjit janë parimet kryesore të mbulimit të përgjegjshëm dhe të besueshëm të ngjarjeve politike”, thuhet në statusin e Facebook profilit të ambasadorit Charles Garrett.
