Nesër në orën 12, para zyres së Prokurorit Publik në Shkup do të mbahet protest paqësor , për të përkujtuar një vit nga vdekja e vogëlushes Tamara Dimovska nga Velesi.
Edhe pse kaloi një vit, Prokurori Publik ende nuk është shprehur ndaj akuzave penale kundër përgjegjësve për vdekjen e saj. Nën parullën “Mjaft ishte heshtje nga Prokurori Publik!”, qëllimi i protestës është që edhe një herë të kërkohet nga Prokurori Publik që urgjentisht të ngrisë akuza kundër përgjegjësve për vdekjen e pacientes të vogël.
Tamara nuk i morri dokumentet e nevojshme për trajtim shërimi jashtë vendit, Fondi dhe Ministria e Shëndetësisë e zgjasnin procedurën për operacionin e saj. Institucionet nuk mund të pajtoheshin vallë dhe ku do të shërohej nëntëvjeçarja Tamara, e cili kishte deformim të rëndë të shtyllës kurrizore.
Vdekja e Tamarës shkaktoi shumë reagime dhe u organizuan një sërë protestash, me të cilat kërkohej dorëheqje dhe përgjegjësi për fajtorët për vdekjen e saj.
Protesta e fundit ishte në dhjetor të vitit të kaluar, kur opozita paraqiti një interpelancë kundër Ministrit të Shëndetësisë Nikolla Todorov, ku një nga arsyet ishte dhe vdekja e vogëlushes Tamara. Përderisa debati me rastin e interpelancës ishte duke u zhvilluar dhe deputetët debatonin për gjendjen në të cilën gjindet shëndetësia maqedonase sot, qytetarët dhe organizatat qytetare, duke përfshirë edhe Civil-Qendën për Liri, para Kuvendit kërkuan dorëheqjen e Todorovit, por për fat të keq, kjo nuk ndikoi në vendimin e shumicës parlamentare, e cila nuk votoi interpelancën e dorëzuar.
