Prokuroria Publike në Shkup, më në fund, pas një viti, doli me raport për aktivitetet e ndërmarra në lidhje me rastin e Tamara Dimovskës nga Velesi.“Prokurori Publik –Shkup e informon publikun se në lidhje me lëndën që prokuroria e formoi pas zërit apo informatave të ardhura nga opinioni për rastin e Tamara Dimovskës nga Velesi, ka kryer një seri veprimesh.
Nga veprimet e ndërmarra doli se si të dyshuar lajmërohen më shumë persona për kryerjen e një krimi – punë e papërgjegjshme në detyrë nga neni 353-c I Kodit Penal. Në cilësinë e të dyshuarve, personat janë të ftuar të japin deklarata para Prokurorit Publik. Hetimi vazhdon në drejtim të sqarimit të plotë të rastit. Pas përfundimit të seancës do të merret vendim meritor i prokurorit publik, për të cilin do të informohet publiku”,shkruan në njoftimin, e publikuar në web- faqen e Prokurorit Publik.
Njoftimi arriti vetëm një ditë para protestës së paralajmëruar, me të cilën do të shënohet një vit nga vdekja e vogëlushes Tamara. Organizatorët edhe një herë duan të apelojnë deri tek prokurori publik, se është koha për t’i gjetur dhe për t’i dënuar përgjegjësit për vdekjen e saj.
Pas protestave të vazhdueshme të qytetarëve dhe përpjekjeve serioze të organizatave të shoqërisë civile në Maqedoni, mes të cilave ishte dhe Civil – Qendra për Liri, Prokuroria Publike më në fund reagoi, duke bërë thirrje për më shumë persona për të dhënë deklarata në cilësinë e të dyshuarve. CIVIL e thërret Prokurorin, pas seancës, të marrë një vendim në pajtim me ligjin, sa më shpejt që është e mundur.
Maria Tegovska
