Në pres- konferencën në Qendrën Informative të BE-së në Shkup, Këshilli për Etikë në Mediet në Maqedoni (KEMM) para opinionit paraqiti iniciativën për nënshkrimin e Kartës për raportim etik të medieve gjatë zgjedhjeve.
“Kjo iniciativë buron nga nevoja e përbashkët për mobilizim dhe shfytëzimin e fuqisë të medieve në aspiratat për arritje të pavarësisë në gazetari. Asnjë qeveri apo parti politike nuk duhet të vendosë në emër të medieve, kur është fjala për objektivitet”, theksoi drejtoresha e SEMM, Marina Tuneva.
Teksti i Kartës është i bazuar në parimet universale të profesionit, të cilat vlejnë në çfarëdo rrethana, njësoj sikur për raportimin gjatë zgjedhjeve. Në dokumentin janë përfshirë parimet e vërtetësisë, objektivitetit, balancit, drejtësisë dhe neutralitetit, solidaritetit profesional, pavarësisë editoriale dhe integritetit profesional, respektit dhe tolerancës, parimet e lirisë dhe përgjegjësisë, si dhe parimi i distiksionit të qartë mes informacionit dhe komentit.
Madje, siç theksoi kryetari i komisionit për ankesa me SEMM, Mirçe Adamçevski. Karta bazohet në praktikat e kaluara dhe numrit të madh të ankesave për joprofesionalizëm dhe punë joetike në mediet. Këshilli i Etikës u bëri thirrje medieve për t’iu bashkuar Kartës, dhe njoftoi se ngjarja për nënshkrimin zyrtar të saj nga mediet, do të organizohet më 12 shkurt.
