Pasi që Bordi i Akreditimit dhe Vlerësimit të Arsimit të Lartë e dha licencën për formim të një universiteti të ri shtetëror në gjuhën maqedonase në Shkup – “Damjan Gruev”, CIVIL Media foli me profesorët nga Universiteti “Shën. Kirili dhe Metodi ” për pikëpamjet e tyre lidhur me pyetjen- vallë ka nevojë edhe për një universitet tjetër, a ka personel të mjaftueshëm që do japë mësim në universitetin e ri, dhe çfarë do të thotë kjo për sistemin arsimor në Maqedoni?
Sipas D-r Nenad Markoviq, profesor ekstraordinar në Fakultetin e Drejtësisë në UKM, në botë gjithnjë e më shpesh shkohet drejt ndarjes së studimeve të paqes nga studimet e sigurisë, në kundërshtim me atë që parashikohet me universitetin e ri.
“Unë mund të kuptoj të zbatohet një vendim strategjik që të bëhet një universitet i tillë dhe të bashkohen të gjitha aspektet ushtarake të arsimit të lartë në një vend, edhe pse në botë ka tendencë për t’u ndarë studimet ushtarake dhe të paqes. Por,atë që e kam të pakuptueshme në të gjithë projektin është që përsëriten fakultete që tashmë ekzistojnë, si fakulteti juridik dhe mjekësor, dhe nuk investohet në ato tashmë ekzistuese, të cilët humbin studentë për shkak të hapjes së fakulteteve të reja në të njëjtën lëmi. Dhe, dilema ime e ardhshme është: Prej nga do të vijë staf që do të japë mësim? Thjeshtë, ne nuk kemi aq shumë staf të lartë të arsimuar dhe profesional që duhet t’i kënaqë nevojat kuadrovike të një universiteti të tillë. Me siguri, do të duhet të improvizohet, kjo nuk është në rregull”, thotë Markoviq.
Marija Tegovska
