Nuk ka pengesa të konvokohet seancë urgjente në të cilën mund të shqyrtohet mundësia për vazhdim të regjistrimit, por duhet të dorëzohet propozim nga Qeveria ose nga grupi i deputetëve edhe të ketë konsensus politik ndërmjet të gjitha partive politike në Kuvend.
“Rregull i pashkruar është Kuvendi të punojë në fushatë zgjedhore, por kjo nuk do të thotë se nëse ka nevojë urgjente, të mos mbahet mbledhje. Në lidhje me deklaratën e drejtorit të Entit Shtetëror për Statistikë se është e mundur të kërkohet vazhdim i regjistrimit për shkak të sulmeve të hakerëve, kjo është çështje e cila duhet të jetë propozim i Qeverisë ose i grupit të deputetëve për ndryshim të ligjit. Duhet të ketë propozim konkret, ndërsa për shkak të faktit se në Kuvend marrin pjesë subjekte politike nga prominenca të ndryshme, ai duhet të harmonizohet ndërmjet tyre”, theksoi sot Xhaferi.
Sipas procedurave, seancë të tillë urgjente mund të konvokojë kryetari i Kuvendit, por zakonisht seanca të tilla konvokohen me kërkesë të 20 deputetëve.
Nëse kërkohet vazhdim, sipas Xhaferit, kjo duhet të bëhet në dy ditët e ardhshme duke e marrë parasysh se regjistrimi ligjërisht duhet të përfundojë më 30 shtator.
