Lideri i Koresë së Veriut, Kim Jong-un, për herë të parë publikisht u prononcua për dialog me SHBA-në, kumtoi Agjencia telegrafike Qendrore Koreane (ATQK).
Kim Xhong-un prezantoi raport për gjendjen e gadishullit Korean para funksionarëve të lartë të Partisë Punëtore Koreane.
Në raport përmendet “perspektiva për dialog midis SHBA-së dhe Republikës Popullore Demokratike Koreane”, kumtoi agjencia koreane, e cila për herë të parë informon për një takim të mundshëm me SHBA-në.
Por, ajo nuk tregon në mënyrë eksplicite për një takim të tillë dhe nuk e përmend emrin e presidentit amerikan Donald Tramp.
Dje, presidenti amerikan publikoi se takimi i tij historik me Kimin do të mbahet në maj apo në fillim të qershorit.
Burimi: MIA
