Qeveria e Republikës së Maqedonisë në seancën e 43-të mori vendim për ndarjen e mjeteve financiare në më shumë konvikte shtetërore që të kompensohen borxhet dhe shpenzimet e tjera deri në fund të vitit.
Në seancë është marrë vendim për themelimin e Këshillit për reforma të administratës publike. Për kryetar është emëruar kryeministri Zoran Zaev.
Në seancën e 43-të Qeveria e shqyrtoi dhe miratoi Informacionin për nevojën e themelimit të Trupit koordinues për ndjekjen e procedurave të arbitrazhit të dala nga marrëveshjet ndërkombëtare.
I angazhoi të gjitha organet shtetërore, shoqatat aksionare dhe ndërmarrjet publike në shtet në pronësi shtetërore në afat prej 10 ditëve që deri te Trupi koordinues t’i dorëzojnë të gjitha informacionet të cilat përmbajnë klauzolë për arbitrazh, palët në kontest, vlerën e investimit dhe vlerën e kontestit, nëse është inicuar procedurë para arbitrazhit, në çfarë faze ndodhet procedura e tillë, cilat subjekte marrin pjesë, cilët janë përfaqësuesit juridikë, ku udhëhiqet procedura, cilët janë arbitrat e emëruar, si dhe për çështje të tjera nga të cilat mund të shqyrtohet tërësia e problemit.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
