Familja e Mitko Çavkovit dje gjatë ditës tek Avokati i Popullit kanë parashtruar ankesë, pohojnë për MIA nga Zyra e Ombudsmanit. Prej aty, thonë se do të hapet lëndë dhe do të shqyrtohen të dhënat e ankesës.
Ish ministri i punëve të brendshme, Mitko Çavkov, ndaj të cilit gjykata ka shqiptuar masë me paraburgim për ngjarjet në Parlament, nga dje ka filluar me protestë urie në burgun e Shutkës.
– Psiqikisht është stabil, por si reagim i padrejtësisë që i është shqiptuar me caktimin e masës për paraburgim, si dhe për ngarkimin e veprës penale “rrezikimi terrorist i rendin kushtetues dhe sigurisë” ka vendosur të protestoj me uri, njofton për MIA Petar Vasilev, avokat i Çavkovit.
Ai informon që mbrëmë e ka takuar Çavkovin në burg, pasi që ka kërkuar vizitë jo të rregullt dhe nga gjykatësi i është lejuar.
Njoftoi që sot do të kërkoj kontroll mjekësor të çrregullt ku do të konfirmohet gjendja e vërtetë shëndetësore. Çavkov është pajtuar që të kontrollohet. Vasilev pret që masa e paraburgimit në burg të ndërrohet me paraburgim shtëpiak. Mbrëmë, Çavkovin në burg e ka vizituar edhe një anëtarë i familjes.
[divide]
Burim: META
Përmbajtjet të cilat CIVIL i merr nga burime të tjera nuk nënshtrohen në licencën Creative Commons 1.0, përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
