Si pjesë e fushatës parazgjedhore të filluar para kohe, në afërsi të Tempullit Ortodoks në qendrën e Shkupit, u vendos billbord në të cilin qytetarët informohen se dikush (qeveria?) në fshehtësi negocion për ndryshimin e emrit të shtetit dhe të identitetit kombëtar.
Gazetari qytetar i cili deshi të mbetet anonim, dërgoi në CIVIL Media fotografi të shkrepur në afërsi të Tempullit Ortodoks në Shkup.
“Kush u dha të drejtë të negocioni për emrin dhe identitetin tim?”, është mesazhi drejtuar pushtetit, nga fëmija i fotografuar, përmes billbordit të madh në bulevarin “Aradhat partizane”.
“Mosmarrëveshja me emrin është e lidhur me çdo gjë: me BE, me NATO, Marrëveshja me Bullgarinë, Ligjin për gjuhët. Fund për negociatat për emrin! Emri ynë është Maqedoni!”, shkruan në mesazhet të cilat i ka vërejtur gazetari qytetar.
Në billbord janë të cituara deklarata e negociatorit për emrin, Metju Nimic, dhe qëndrimi i Stejt Departamentit amerikan: “Nëse unë isha maqedonas, nuk do të bëja negociata për emrin” ( Metju Nimic) dhe “Nuk do të ketë pasoja nëse ndërpriten negociatat” (Stejt Departamenti).
Vallë në mungesë të ideve dhe projekteve reale me të cilat do të mundësohet jetë më e mirë e qytetareve dhe qytetarëve, kandidatët për kryetarë komunash dhe këshilltarët nga radhët e VMRO-DPMNE dhe të partnerëve të koalicionit, do të luftojnë për votat e qytetarëve për Zgjedhjet lokale 2017, vetëm me fushatë të zezë, gënjeshtra, shpifje, manipulime…?
