Gjermania e ndalon eksportin më të madh të armëve për Turqi, për shkak të situatës së përkeqësuar me të drejtat e njeriut në Turqi, dhe marrëdhëniet e acaruara me këtë vend, që është edhe anëtare e NATO-s. Këtë e lajmërojnë organizatat dhe koalicionet globale për kontrollin e armëve, siç është Control Arms, anëtare e të cilës është edhe CIVIL -Qendra për Liri, nga ditët e para të formimit të këtij rrjeti global.
Vendimi është shpallur pasi që zëdhënësi i Ministrisë për Punë të Jashtme në Berlin deklaroi se për shkak të akuzave politike, edhe një çift gjerman në Turqi është në paraburgim
“I ndaluam të gjitha kërkesat për eksport të armëve që na i dërgoi Turqia, ndërsa me të vërtetë janë shumë”, tha Ministri për Punë të Jashtme, Zigmar Gabriel. Marrëdhëniet mes Ankarasë dhe Berlinit janë nën presion të zmadhuar, pasi presidenti turk Rexhep Taip Erdogan filloi të qëron hesape me kundërshtarët politik në Turqi.
Turqia dhe Gjermania gjithashtu janë në kundërshtim rreth refuzimit të Berlinit për ekstradimin e kërkuesve turke të azilit. Ankaraja akuzon për përfshirje në grusht-shtetin e pasuksesshëm, derisa Berlini kërkon lirimin e dhjetëra shtetasve gjermanë ose turk, të cilët u arrestuan nga autoritetet turke me akuza politike, gjatë muajve të kaluar.
Përkeqësimi i marrëdhënieve mes dy vendeve e detyroi kryeministren gjermane Angela Merkel të deklarojë se do të tentojë t’i kryejë negociatat për anëtarësi të Turqisë në Bashkimin Evropian.
