“Ftojmë të gjitha anët të përmbahen në deklaratat dhe veprimet e tyre dhe të sjellin vendime për të mirën e të gjithë qytetarëve”, thuhet në kumtesën e fundit të NATO-s, e cila ka të bëjë me gjendjen politike në Maqedoni. Sekretari i përgjithshëm i NATO-s Jens Stoltenberg u porositi liderëve politik të Maqedonisë dhe Presidentit Gjorgje Ivanov, ti përmbahen Marrëveshjes së Përzhinës. Ai apeloi edhe për përmbajtje dhe kërkoi që politikanët e Maqedonisë të sjellin vendime në interesin e qytetarëve.
“Zgjedhjet e dhjetorir në vitin 2016 ishin të shënuara nga vëzhguesit ndërkombëtarë si hap esencial në zgjedhjen e krizës. Ato ishin të vlerësuara si të organizuara mirë dhe pa incidente të mëdha. Pas një tentimi për formim të qeverisë, tani është shpallur se, në pajtim me kërkesat nga ana e Presidentit, tani janë mbledhur nënshkrime të deputetëve në numër të mjaftueshëm”, vlerëson Stoltenberg.
Siç informon MIA, në kumtesën thuhet se është e domosdoshme të në këtë periudhë politikanët të tregojnë përmbajtje.
Paraprakisht, më 23 shkurt, u mbajtën konsultime bilaterale mes Maqedonisë dhe NATO-s për përparimin e përgatitjeve mbrojtëse për integrimin e Maqedonisë në Aleancën. Këto ishin konsultimet e tetëmbëdhjeta, pasi Maqedonia 16 herë nuk arriti të bëhet anëtare në NATO.
