Është e pasigurt nëse deri në fund të muajit do të formohet Qeveri e re, e udhëhequr nga mandatari, lideri i VMRO-DPMNE, Nikolla Gruevski. Personazh kryesor pa të cilin uk mund të formohet Qeveria e re, për momentin është Ali Ahmeti, lideri i BDI. CIVIL Media sot i ka pyetur qytetaret dhe qytetarët nëpër Shkup për qëndrimin e tyre: “Me cilin do të bojë koalicionin Ahmeti, me Gruevskin ose me Zaevin”?
Qytetarët janë me qëndrime të ndara, një pjesë prej tyre vlerësojnë se Ahmeti do të formojë qeveri me liderin e LSDM, sepse populli ka votuar për ndryshime dhe se do ta respektojë zgjedhjen e një pjese të madhe të popullatës Shqiptare të cilët votuan për opozitën. Një pjesë e qytetarëve vlerësojnë se BDI do të bëjë koalicionin me VMRO-DPMNE, por vetëm nëse heq dorë nga Platforma të cilën e kanë nënshkruar BDI me Aleancën për Shqiptarët dhe me Besa-n.
“Nëse kushti i BDI është që VMRO-DPMNE ta pranojë platformën e Shqiptarëve, në atë rast, do të ketë zgjedhje të reja dhe populli do të vendosë, sepse Gruevski nuk do ta pranojë Platformën”.
“Platforma është përpiluar sa për t’i kthyer votuesit e humbur dhe të dalin si mbrojtës dhe heronjë të të drejtave shqiptare. Zaev nuk ka pse të pranojë ose të refuzojë, sepse kërkesat nga Platforma janë të plotësuara pothuajse në tërësi, dhe ato funksionojnë”.
Pati edhe qytetare dhe qytetarë të cilët për momentin nuk u intereson politika, të cilët kërkojnë të pastrohet Shkupi që të mund të lëvizin lirë nëpër qytet.
Vullnet Mahmuti/Dehran Muratov
Montimi: Ermin Klimenta
