Dita Botërore e Mjedisit 2024 fokusohet në ripërtëritjen e tokës, ndalimin e shkretëtirëzimit dhe ndërtimin e rezistencës ndaj thatësirës nën sloganin “Toka jonë. E ardhmja jone. Ne jemi BreziIRipërtëritjes (#RipërtëritjeEBrezit).”
“Ne nuk mund ta kthejmë kohën pas, por mund të rrisim pyjet, të ringjallim burimet e ujit dhe të ripërtërisim tokat.” Ne jemi brezi që mund të bëjë paqe me tokën”, thuhet në faqen zyrtare të Kombeve të Bashkuara.
CIVIL -i bashkohet shpënimit të Ditës Botërore të Mjedisit përmes një sërë aktivitetesh mediatike. Platforma mediatike e organizatës publikon përmbajtje informative dhe edukative në lidhje me mbrojtjen e mjedisit, luftën kundër ndryshimeve klimatike dhe mbështetjen për agjendën e gjelbër dhe ekonominë qarkulluese.
Sot, në kuadër të Ditës Botërore të Mjedisit Jetësor, CIVIL-i do të publikojë edhe analizën “Perspektivat e ekonomisë qarkulluese në kohë lufte dhe pasigurie”, përmbledhja e së cilës u prezantua në konferencën rajonale të CIVIL-it dhe LogEx më 31 maj, si pjesë nismës Java e ekonomisë qarkulluese në Ballkanin Perëndimor.
CIVIL –i e paralajmëron publikun vendas dhe global se luftërat dhe konfliktet i shumëfishojnë rreziqet mjedisore. Krizat energjetike, ekonomike dhe sociale ndikojnë drejtpërdrejt në politikat dhe praktikat që lidhen me mbrojtjen e mjedisit. Gjeneratat e reja pritet të rikthejnë planetin, por duhet fillimisht të krijohen kushtet që ata të marrin këtë përgjegjësi. Kjo është detyra e strukturave aktuale të pushtetit dhe një brezi politikëbërësish dhe praktikuesish që nuk po veprojnë mjafueshëm për krijimin e kushteve.
CIVIL -Qendra për Liri
