CIVILi organizon një punëtori në Gostivar me temë: “Pjesëmarrja në bërjen e politikave, forcimin e vetëdijes publike dhe promovimin e vlerave evropiane, multikulturalizmin dhe mos-diskriminimin në nivelin lokal”. Punëtoria do të mbahet më 8 korrik (e enjte), duke filluar nga ora 12:00, në sallën e komunës.
Kjo është vetëm një pjesë e aktiviteteve të CIVIL në përpjekjet për të kontribuar në futjen, motivimin dhe mobilizimin e shoqërisë në të gjitha nivelet dhe në të gjithë sektorët. Konkretisht, kjo punëtori vazhdon bashkëpunimin e drejtpërdrejtë të CIVIL me komunat në krijimin e modeleve të suksesshme për pjesëmarrjen qytetare në proceset e vendimmarrjes në nivelin lokal në këto fusha jashtëzakonisht të rëndësishme.
CIVILi e njeh nevojën për përfshirje aktive të të gjithë aktorëve në përgjigjen e pyetjeve në lidhje me bashkëpunimin midis qeverisë lokale, organizatave të shoqërisë civile, medias dhe qytetarëve në kultivimin dhe promovimin e vlerave evropiane në përgjithësi dhe multikulturalizmit në veçanti, si në shkallë vendi ashtu edhe në atë lokal.
Kryetari i Komunës së Gostivarit, Dr. Arben Taravari, anëtarët e këshillit komunal е konfirmuam pjesëmarrjen e tyre, dhe ishin të ftuar përfaqësues të organizatave joqeveritare, partive politike, media dhe qytetarë të interesuar.
Punëtoria do të mbahet me prani fizike me respektimin maksimal të protokolleve dhe masave për mbrojtjen dhe sigurinë e Covid-19.
Punëtoria është pjesë e projektit “Perspektivat Evropiane” të zbatuar nga CIVILi me mbështetjen e Ministrisë së Punëve të Jashtme të Republikës Federale të Gjermanisë.
