Të jesh mbrojtës dhe mik i qytetarëve është obligim i madh, por edhe nder i madh i cili u është besuar nëpunësve të policisë, shkroi kryeministri Zoran Zaev në “Fejsbuk”, duke ua uruar Ditën policisë së Maqedonisë së Veriut.
“Në periudhë kur po përballemi me kërcënim serioz nga pandemia globale, që nga vetë fillimi i kësaj krize shëndetësore policët janë në radhët e para në luftën kundër koronavirusit. Pas të gjitha rreziqeve dhe sfidave, me të cilat u përballën shërbimet në Ministrinë e Punëve të Brendshme, sot mundet lirshëm të themi se arritëm ta kthejmë funksionin themelor të këtij shërbimi, një nga shtyllat e cila e garanton shtetësinë, bazën e sigurisë dhe njëkohësisht policies, mik dhe mbrojtës i qytetarëve”, thekson Zaevi në statusin në Fejsbuk.
Thekson se vetëm me shërbime të profesionalizuara dhe të depolitizuara mund të ndërtohet sistem i cili do t’i sigurojë funksionet themelore të policisë, të cilat, asnjëherë nuk guxojnë të keqpërdoren për qëllime politike.
“Dërgoj urime të sinqerta për të gjithë nëpunësit e policisë për përkushtimin dhe sakrificën gjatë kryerjes së detyrave dhe detyrave të punës, si dhe për të gjithë qytetarët me rastin e Ditës së policisë maqedonase dhe bashkë ta avancojmë shërbimin mbrojtës mik i qytetarëve”, shkruan në urimin e kryeministrit të publikuar në Fejsbuk.
