Me moton: # Të pandalshëm, Kryqi i Kuq i Maqedonisë do të bashkohet në shënimin e 8 Majit, Ditës Botërore të Kryqit të Kuq dhe Gjysmëhënës së Kuqe dhe me më shumë aktivitete do ta shënojë edhe Javën e Kryqit të Kuq të RMV nga 8 deri më 15 maj.
Nga Kryqi i Kuq theksojnë se theksi i aktiviteteve të tyre gjatë vitit të kaluar ishte në trajtimin e pasojave të pandemisë globale të shkaktuar nga KOVID-19.
“Parulla e festës së këtij viti është kryesisht për shkak të përpjekjeve të Lëvizjes sonë për t’iu përgjigjur pasojave të koronavirusit. Gjithçka që bënë vullnetarët dhe shërbimi ishte për të ndihmuar njerëzit të përballen më mirë me pandeminë”, thonë nga Kryqi i Kuq.
Kjo organizatë thekson se secili prej nesh luan një rol të rëndësishëm në komunitet, për ta bërë atë një vend më të rehatshëm për të jetuar dhe punuar.
