KSHPK ka çështje të hapur për kryetarin e qytetit të Shkupit, Petre Shilegov për prokurimin e shkallëve zjarrfikëse dhe pas tij do të punohet si me të gjitha rastet, por është mosmirënjohëse që ai vet për veten të ngrejë akuza për dyshime për korrupsion, sepse nuk korrespondon me dispozitat e ligjit tonë, informon në konferencën e sotme për shtyp Kryetarja e Komisionit Shtetëror për Parandalimin e Korrupsionit, Biljana Ivanovska, duke u përgjigjur në pyetjen e gazetarëve në lidhje me “shkallet e Shilegovit” aktuale.
“KSHPK është një organ i pavarur shtetëror dhe është mosmirënjohëse që të bëhen ngarkesa, me qëllim që të sigurohen pika të caktuara politike, sepse në prag të zgjedhjeve lokale ne nuk duam ta vendosim veten në një situatë përmes nesh të mblidhen pika të caktuara”, tha Ivanovska.
E pyetur nëse është hapur çështje për kryetaren e Këshillit Gjyqësor, Pavlina Cërvenkovska, Ivanovska konfirmoi se edhe në këtë rast, KSHPK hapi çështje dhe u paraqitën kërkesa për sigurimin e dokumentacionit dhe procesi është duke vazhduar.
Katica Nikollovska, anëtare e Komisionit me kërkesë të gazetarëve për t’u përgjigjur se deri ku është çështja me ish-Sekretarin e Përgjithshëm të Qeverisë, Dragi Rashkovski, informoi se ata kishin takim me prokurorin që e udhëheq çështjen në Prokurorinë Publike dhe ranë dakord për gjithçka që KSHPK-ja ka siguruar si dokumentacion t’u paraqitet atyre, ndërsa ata do të vazhdojnë me çështjen.
“Ne i kemi zgjeruar gjetjet tona edhe në prokurime të tjera publike, ndërsa jo vetëm në prokurimin e zgjidhjeve softuerike. Prokurimet në lidhje me këtë lëndë, kamera, kabina lëvizëse, ka më shumë prokurime publike, kështu që shuma e fondeve të shpenzuara për ato kontrata është e madhe. Mendoj se ishin rreth 18 milionë denarë“, tha Nikollovska.
